Aw vang khaw mawi chul lo te in

Saisen te a tual chai na vangkhua, kan tan hian i hlu chuang e

Motto: "Khua leh tui, ram leh hnam tan a mi tang kai nih"

Mah ni Pian leh murna leh khawsakna hmangaih lo chu ram leh hnam tana mi tangkai a ni ngai lo vang

Saturday, October 24, 2009

Myanmar-Banladesh buaina

Burma-Bangladesh-te inkarah oil and gas avangin ram ri buaina rapthlak tak a chhuak a, Burma lamin ram ri-a sipai leh ralthuamte a chhawp uai avang chuan Bangladesh pawh a thlaphang hle a ni, tiin internet news chuan a sawi a. Ram ri chungchangah Burma leh Bangladesh thuneitute chuan in remna an zawng mek a, mahse Bay of Bangal tuipui chunga Bangladesh sipai hmun chu Burma in kah a tum niin an sawi bawk.

He khawmual hi Burma ram thlanglam ram ri atanga kilometer 8 vela hla a ni a, Bangladesh chuan he khawmualah hian indo thlawhna kirawn (air filed)-te leh indona khurte pawh siam a tum mek tiin chanchinbu mite chuan an sawi a.


He ram ri-ah hian Burma leh Bangladesh-te chuan indo thlawhna leh indo lawngpuite pawh leh lam leh lamin an chhawp vek tawh a ni. He ram ri buaina avang hian Rohinga muslim refugee-te leh Rakhain state atanga himna zawnga tlanchhuakhote pawh Bangladesh sawrkar chuan thawnlet leh vek a tum tih hriat a ni a, tunah pawh hian Bangladesh police-hovin Barma mi an man teuh tawh tih hriat a ni bawk.

October 20,2009 hian Bangladesh khawpui Dhaka-ah UNHCR rorel a awm ang a, he rorelnaah hian Burma khua leh tuiten harsatna an tawh chi hrang hrangte chu UNHCR Commissioner hnenah Burma lam tanga UNHCR palai Daw Saw Miah Ra Za Lin-i chuan a sawilang dawn a ni.




No comments:

Post a Comment