NASA-ho chuan Lunar CRater Observing and Sensing Sattelite (LCROSS) an tih boom puakthei hlauhawm tak missile chu Atlas V an tih rocket chuan Thla leilungah an va kapkai a, he LCROSS hmang hian Thla leilung chhim lam an tipuak ang a, Thla leilungah hian tui leh vurte a awm leh awm loh an va finfiah dawn a ni,” tiin Thaindian News chuan October 9, 2009 khan a tarlang a.
NASA-in report a pek dan chuan he boom hlauhawm tak hi Thla leilung chhim lamah an va hung ang a, boom a puah veleh tui leh vur a awm leh awm loh chu kan khawvelah report a pe nghal zung zung dawn a ni, an ti. He mission hi van indona atana ruahman a nih loh ang bawkin terrorist-ho chet dan anga thiltih ni lovin technology hmasawnna hmanga scientist-ten thil an finfiahna mai a ni, tiin NASA hruaitute chuan an sawi bawk.
Tun tuma NASA-in Thla leilunga boom hlauhawm tak LCROSS leh Lunar Reconnaissance Orbiter (LOR) an kahchhoh hi Florida, Cape Canaveral atanga Atlas V roket nen an kahchhoh a ni a, June 18, 2009 zan dar 2:32 p.m. PDT chiah khan an kapchho a ni.
LCROSS hian boruak dimhmun del takin a enthei a, Atlas V Centaur rocket erawh chuan LCROSS awmna hmun tur dik taka va dah chu a hna ve thung dawn a ni. Atlas V Centaur-in LCROSS awmna hmun tur dik taka a va dah fel hnu chuan Atlas V leh LCROSS te chu an inthen fel ang a, Atlas V Centaur hian Thla leilung pawn lam atangin LCROSS tihpuah chu a hna bawk ang a, LCROSS hian a tihpuah hmain a tihpuah tur hmunte fangin a thlawk kual bawk ang a, tichuan khawvelah information a rawn pe zung zung dawn a ni.
No comments:
Post a Comment