World's Most Expensive Dog

Kan hnung khan Sweden lama ka thian mi pakhatin, “Sweden ramah chuan naupang (right) a sang ber a, a dawtah mipa (right), a dawt leh a, hmeichhia (right), a dawt leh ah chuan ui (right) a ni,” tih mi rawn hrilh a, mak ka ti khawp mai a. Ui hian (right) sang tak an lo nei ve ang tih ka lo ngaihtuah ngai hauh lova, chumi ni atang chuan animalsa news lamte leh animals photo gallery velte ka han en vel thuak thuk a, AOL News-ah ui pakhat chu World Record-a an dah luh thu ka hmu fuh hlauh mai a, chumi chanchin chu tlem ka han thai ve dawn a ni.

China nu pakhat hausa em em Mrs. Wang-i chu Tibet ram Qinghai province-ah a zuk zin a, chumi hmunah chuan Tibet ui fing bera an sawi White Root-a (Ui pa a nih avangin White Root-a tia tarlan mai a ni) an tih chu a va hmu fuh hlauh mai a, Mrs. Wang-i chuan $ 586,000-in a lei ta a, chumi chanchin chu The Times of London chuan September 10 khan a tarlang nghal a ni.

Kumin kum tantirh lam khan Florida chhungkhua khat chuan Lancelot Encore tih ui fing tak mai chu $ 155,000 in an lei a, mahse tun tuma Mrs. Wang-in $ 586,000 meuh senga White Root-a lei tak avangin “The world’s most expensive dog,” tiin Times chuan World Record-ah a dahlut nghal a ni.

White Root-a hi kumkhat leh a chanve chauh a la ni a, Mrs. Wang-i chuan he ui chi ang hi a dang hmuh belh a beisei thu a sawi bawk a ni. Qinghai atanga a rawn haw lam chuan White Root-a hming chu Yangtze River Number Two-tiin a rawn thlak nghal bawk a. Mrs. Wang-i leh a fapa thar Yangtze Number Two-a te chu animals fan-te leh local pet lovers-ten luxury car 30 nen “Welcome, Yangtze Number Two,” tih lehkha ziahte nen Xi’an international airport-ah an lo hmuak a ni.

More