Kum 1917 May Ni 29 khan Massachusetts state, Brookline-ah a piang a, a naupan lai chuan John Fitzgerald “Jack” Kennedy tiin an ko thin. Khawvel Indopui II-na khan sipaia tang ve in, South Pacific inbeihnaah Motor Torpedo Boat PT-109 commander a ni a, chumi hnu chuan pawlitik lamah a zuangkai ve ta a.
A pa, Joseph P. Kennedy, Sr., a pawh hi Democrat pachal dik tak a ni ve a, party tan thahnemngai em em mai a ni. A pa duhsakna leh kaihruainain Massachusetts state congressional district 11 atanga US House of Representatives-a thlan a ni a, 1947-1953 thleng khan chu hna chu a tawk a, 1953-1960 thleng khan US Senate nihna a chelh bawk a ni.
Kum 1960-a US Presidential Election khan Republican candidate Richard Nixon-a chu a hneh ta a, US histawriah President hmingthang tak a lo ni ta a ni. US President-te zingah chuan Kennedy-a hi Roman Catholic President thlan hmasak ber a ni a, kum 43 leka White House Office a luah avangin mi tam takin an lawm hle a ni. US President-te zingah chuan amah chauh hian Pulitzer Prize a dawng a, the Bay of Pigs Invation, the Cuban Missile Crisis, the Building of the Berlin Wall, the Space Race, the African American Civil Right Movement leh Vietnam War laia US dihhmun vawngnghettu a nih avangin he lawman hi hlan a ni.
Kum 1963, November Ni 22 khan John F. kennedy-a chu Texas State, Dallas khawpuia thah a ni a, a thattu chu Harvey Oswald-a a ni. Harvey Oswald-a chungthu rel a nih dawn avangin a nihnihnaah Jack Ruby-an Oswald-a chu a that ve nghal a, Warren Commision leh 1979 House Select Committee on Assassinations- te chuan Oswald-a chu Kennedy-a thattu a ni tih an puang a, he thil phenah hian thangkamna tha tawk tak a awm ngei a ni tih pawh an puang bawk. US mipuiten President Kennedy-a an chan ta chu an tuarin an sun nasa hle a, a thiltihte pawh US histawari kal zelah lungphun pawimawh tak a lo ni ta a ni. Kennedy-a hian US mipuite fak leh chawimawi a hlawh nasa hle a, US President-te zingah pawh ngaihsan a hlawh nasa hle a ni.
1. Pian kum- May 20, 1917
2. Pianna hmun- Brooklin, Massachusetts State
3. Nausen lai hming- John Fitzgerald “Jack” Kennedy
4. A san lam- 1.84m/6′ 1/2″
5. Thih Ni- November 22, 1963 (Kum 46)
6. A ruang phumna hmun- Arlington Cemetery
7. Political Party- Democratic
8. A nupui- Jacqucline Lee Bouvier Kennedy
9. A fate- (1) Caroline Bouvier Kennedy
(2) John Fitzgerald Kennedy, Jr.
(3) Patrick Bouvier Kennedy
8. A zirna run- (1) Harvard University
(2) Roman Catholic
9. A sakhua pawl hming- Roman Catholic
10. A sipai tan kum- 1941- 1945
11. A nihna- Lieutenant
12. A sipai service/branch- United States Navy
13. A sipai Unit- Motor Torpedo Boat PT-109
14. A ral dona ram leh hmun- (1) Khawvel Indopui II
(2) Solomon Islands Campaign
15. A lawmman dawnte- (1) Navy and Marine Corps Medal
(2) Purple Heart
(3) Asiatic- Pacific Campaign Medal
(4) World World II Victory Medal
16. US President nihna a chelh kum- January 20, 1961- November 22, 1963
17. A Vice President- Lyndon B. Johnson
18. A hmaa US President nihna lo chelhtu- Dwigh D. Eisenhower
19. A hnua US President nihna rawn chelhtu- Lyndon B. Johnson
20. United States Senator hna a chelh kum(Massachusett State atangin) - January 3, 1953- December 22, 1960
21. A hmaa United States Senator hna lo chelhtu- Henry Cabot Lodge,Jr.
22. A hnua United States Senator hna rawn chelhtu- Benjamin A.Smith
23. Member of U.S. House of Representative hna a chelh kum ( Massachusett State, district 11-na atangin)- January 29, 1917- January 3, 1953
24. A hmaa Member of U.S. House of Representative hna lo chelhtu- James Michael Curley
25. A hnua Member of U.S. House of Representative hna rawn chelhtu- Thomas P. O’Neill,Jr.
26. A ruang phumna hmun- Arlington Cemetery
27. Electoral Vote- Term I: 303
28- A hnehna Margin- 0.128
No comments:
Post a Comment